19 Nov 2026, Thursday
సాంకేతికత

50 ఏళ్ల ప్రయాణం.. భూమికి 2,590 కోట్ల కిలోమీటర్ల దూరంలో వాయేజర్‌-1!

By Published: 3 views
1977లో నాసా ప్రయోగించిన వాయేజర్‌-1 వ్యోమనౌక అంతరిక్షంలో మరో చారిత్రాత్మక మైలురాయిని చేరుకుంది. భూమి నుంచి ఒక కాంతి దినం దూరం అంటే సుమారు 2,590 కోట్ల కిలోమీటర్ల దూరాన్ని అధిగమించింది. ప్రస్తుతం భూమి నుంచి అత్యంత దూరంలో ఉన్న మానవ నిర్మిత వస్తువుగా వాయేజర్‌-1 రికార్డు సృష్టించింది. ఇందులో భూమి సంస్కృతి, సంగీతం, 55 భాషల్లో శుభాకాంక్షలతో కూడిన గోల్డెన్‌ డిస్క్‌ను కూడా నాసా పంపించింది. అందులో తెలుగు భాషకు కూడా ప్రత్యేక స్థానం ఉంది.
1977లో నాసా ప్రయోగించిన వాయేజర్‌-1 వ్యోమనౌక అంతరిక్ష పరిశోధనలో మరో అద్భుతమైన మైలురాయిని అధిగమించింది. భూమి నుంచి ఒక కాంతి దినం దూరానికి చేరుకుంది. ఒక కాంతి దినం అంటే కాంతి 24 గంటల్లో ప్రయాణించే దూరం. ఇది సుమారు 2,590 కోట్ల కిలోమీటర్లకు సమానం. 1977 సెప్టెంబరు 5న ప్రయోగించిన వాయేజర్‌-1 మొదట గురు, శని గ్రహాలను పరిశీలించేందుకు బయలుదేరింది. 1979లో గురుగ్రహం సమీపంగా, 1980లో శనిగ్రహం సమీపంగా ప్రయాణించింది. అనంతరం 2012 ఆగస్టులో సూర్యుని ప్రభావ పరిధిని దాటి ఇంటర్‌స్టెల్లార్‌ స్పేస్‌లోకి ప్రవేశించింది. అప్పటి నుంచి అంతరిక్షంలో తన ప్రయాణాన్ని కొనసాగిస్తోంది. గ్రహాంతరవాసుల కోసం గోల్డెన్‌ డిస్క్‌ వాయేజర్‌-1లో నాసా శాస్త్రవేత్తలు ప్రత్యేకంగా గోల్డెన్‌ రికార్డును ఏర్పాటు చేశారు. ఇందులో భూమి గురించి, మానవ జీవనం, సంస్కృతి, సంగీతం, ప్రకృతి శబ్దాలు, 115 ఛాయాచిత్రాలకు సంబంధించిన సమాచారం పొందుపరిచారు. ముఖ్యంగా 55 భాషల్లో మానవుల తరఫున శుభాకాంక్షలను రికార్డు చేశారు. ఇందులో తెలుగు, హిందీ, కన్నడ, బెంగాలీ సహా తొమ్మిది భారతీయ భాషలకు చోటు కల్పించారు. గోల్డెన్‌ డిస్క్‌లో తెలుగు ప్రత్యేకత తెలుగు భాషలో శుభాకాంక్షలను ప్రసాద్‌ కొడుకుల అనే వ్యక్తి రికార్డు చేశారు. అందులో "నమస్తే.. తెలుగు మాట్లాడే జనమున నుంచి మా శుభాకాంక్షలు" అనే సందేశం ఉంది. భారతీయ సంస్కృతి, భాషా వైవిధ్యానికి ఇది ప్రత్యేక గుర్తింపుగా నిలిచింది. దాదాపు ఐదు దశాబ్దాలుగా అంతరిక్షంలో ప్రయాణిస్తున్న వాయేజర్‌-1 మానవ విజ్ఞాన శాస్త్ర చరిత్రలో చిరస్థాయిగా నిలిచిపోయే ప్రయోగంగా గుర్తింపు పొందింది

సంబంధిత వార్తలు · Related Stories