ఏపీపీఎస్సీ రిక్రూట్మెంట్ నోటిఫికేషన్ విడుదల.. 20 విభాగాల్లో పోస్టులు
ఏపీపీఎస్సీ 2026 రిక్రూట్మెంట్ నోటిఫికేషన్ను విడుదల చేసింది. మొత్తం 20 విభాగాల్లో వివిధ పోస్టుల భర్తీకి నోటిఫికేషన్ జారీ చేసింది. ఫారెస్ట్ రేంజ్ ఆఫీసర్లు, ఫారెస్ట్ బీట్ ఆఫీసర్లు, ఇండస్ట్రియల్ ప్రమోషన్ ఆఫీసర్లు, అసిస్టెంట్ స్టాటిస్టికల్ ఆఫీసర్లు తదితర పోస్టులు ఇందులో ఉన్నాయి. ఆన్లైన్ దరఖాస్తుల ప్రక్రియ అక్టోబర్ 16, 2026 నుంచి ప్రారంభం కానుంది. అభ్యర్థులు నవంబర్ 5 వరకు దరఖాస్తు చేసుకోవచ్చు. మరో ఐదు విభాగాలకు సెప్టెంబర్ 16న, మరో 10 విభాగాలకు సెప్టెంబర్ 24న నోటిఫికేషన్లు విడుదల కానున్నాయి
అమరావతి, సెప్టెంబర్ 15: ఆంధ్రప్రదేశ్ పబ్లిక్ సర్వీస్ కమిషన్ (APPSC) 2026 రిక్రూట్మెంట్ నోటిఫికేషన్ను విడుదల చేసింది. మొత్తం 20 విభాగాల్లో వివిధ పోస్టుల భర్తీకి నోటిఫికేషన్ జారీ చేసింది. ఈ ఉద్యోగాలకు సంబంధించిన ఆన్లైన్ దరఖాస్తుల ప్రక్రియ అక్టోబర్ 16, 2026 నుంచి ప్రారంభం కానుంది. అభ్యర్థులు నవంబర్ 5, 2026 వరకు తమ దరఖాస్తులను సమర్పించవచ్చు.
తాజా నోటిఫికేషన్లో ఫారెస్ట్ రేంజ్ ఆఫీసర్లు, ఫారెస్ట్ బీట్ ఆఫీసర్లు, ఫారెస్ట్ సెక్షన్ ఆఫీసర్లు, ఇండస్ట్రియల్ ప్రమోషన్ ఆఫీసర్లు, డిస్ట్రిక్ట్ ప్రొబేషన్ ఆఫీసర్లు, ఎండోమెంట్స్లో గ్రేడ్-3 ఈవోలు, ఇన్స్పెక్టర్ ఆఫ్ ఫ్యాక్టరీస్, అసిస్టెంట్ స్టాటిస్టికల్ ఆఫీసర్ తదితర పోస్టులు ఉన్నాయి.
పోస్టుల వివరాల్లో ఫారెస్ట్ రేంజ్ ఆఫీసర్లు 4, ఫారెస్ట్ బీట్ ఆఫీసర్లు 23, డ్రాఫ్ట్స్మెన్ గ్రేడ్-2 20, ఫారెస్ట్ సెక్షన్ ఆఫీసర్లు 26, సూపర్వైజర్ గ్రేడ్-1 పోస్టులు 29 ఉన్నాయి. అలాగే ఇండస్ట్రియల్ ప్రమోషన్ ఆఫీసర్లు 78, డిస్ట్రిక్ట్ ప్రొబేషన్ ఆఫీసర్ గ్రేడ్-2 పోస్టులు 15, ఎండోమెంట్స్లో గ్రేడ్-3 ఈవోలు 104 పోస్టులు ఉన్నాయి.
ఏపీ పొల్యూషన్ కంట్రోల్ బోర్డులో ఎనలిస్ట్ గ్రేడ్-2 పోస్టులు 18, ఇన్స్పెక్టర్ ఆఫ్ ఫ్యాక్టరీస్ 12, అసిస్టెంట్ డైరెక్టర్ ట్రైబల్ వెల్ఫేర్ 1, అసిస్టెంట్ డైరెక్టర్ ఏపీ ఎకనామిక్స్ అండ్ స్టాటిస్టికల్ సర్వీస్ 17, అసిస్టెంట్ స్టాటిస్టికల్ ఆఫీసర్ 196, ఏపీ అసెంబ్లీలో ఇంగ్లీష్-తెలుగు రిపోర్టర్లు 11 పోస్టులు ఉన్నాయి.
ఇక మరో ఐదు విభాగాల్లోని పోస్టులకు సెప్టెంబర్ 16న, మరో 10 విభాగాల పోస్టులకు సెప్టెంబర్ 24న నోటిఫికేషన్లు విడుదల చేయనున్నట్లు ఏపీపీఎస్సీ తెలిపింది. ఉద్యోగాల వారీగా అర్హతలు, వయోపరిమితి, ఫీజు, పరీక్ష విధానం, సిలబస్, ఖాళీల వివరాలు తదితర పూర్తి సమాచారాన్ని అభ్యర్థులు ఏపీపీఎస్సీ అధికారిక వెబ్సైట్లో పరిశీలించాలని కమిషన్ సూచించింది.
Related Stories
