తుర్కియే నుంచి ట్రంప్ రహస్య ప్రయాణం.. ఇరాన్ ముప్పు కారణమన్న అమెరికా అధ్యక్షుడు

అమెరికా అధ్యక్షుడు డొనాల్డ్ ట్రంప్ తుర్కియే నుంచి రహస్యంగా మరో విమానంలో స్వదేశానికి వెళ్లిన విషయంపై స్పందించారు. నాటో సమావేశాల అనంతరం భద్రతా కారణాలతో ఈ మార్పు జరిగినట్లు ఆయన తెలిపారు.అధికారిక ఎయిర్‌ఫోర్స్ వన్ విమానంలో కాకుండా చిన్న మిలిటరీ విమానంలో తనను తరలించినట్లు ట్రంప్ అంగీకరించారు. విమాన మార్పు నిర్ణయం తన భద్రతా బృందం తీసుకున్నదని ట్రంప్ తెలిపారు. అధికారులు ఏం చెప్పినా తాను పాటిస్తానని, ఈ విషయంలో ఎక్కువ ప్రశ్నలు అడగలేదని చెప్పారు.‘‘మరో విమానంలో వెళ్లాలని వారు చెప్పారు. వారు చెప్పినట్లే చేశాను’’ అని ట్రంప్ పేర్కొన్నారు. తనకు ఇరాన్ నుంచి ముప్పు పొంచి ఉన్న నేపథ్యంలో ఈ భద్రతా చర్యలు తీసుకున్నట్లు ట్రంప్ వెల్లడించారు.అమెరికా అధ్యక్షులపై ఇలాంటి బెదిరింపులు సాధారణమేనని, ప్రభావశీలమైన పదవిలో ఉన్నవారికి ఇలాంటి పరిస్థితులు ఎదురవుతాయని ఆయన వ్యాఖ్యానించారు. నాటో సమావేశాల అనంతరం తుర్కియే నుంచి రహస్యంగా మరో విమానంలో అమెరికాకు వెళ్లిన ఘటనపై డొనాల్డ్ ట్రంప్ స్పందించారు. ఇరాన్ నుంచి ముప్పు కారణంగానే భద్రతా చర్యలు తీసుకున్నట్లు తెలిపారు. మీడియా కథనాల ప్రకారం.. శత్రువులను తప్పుదారి పట్టించేందుకు ఎయిర్‌ఫోర్స్ వన్ ఉన్నప్పటికీ ట్రంప్‌ను మరో చిన్న సైనిక విమానంలో తరలించినట్లు తెలుస్తోంది.విమానాశ్రయంలో ఆహార సరఫరా వాహనం ద్వారా ట్రంప్‌ను రహస్యంగా తరలించినట్లు కూడా కథనాలు వెలువడ్డాయి.ట్రంప్ మాత్రం భద్రతా సిబ్బంది సూచనల మేరకే ఈ చర్యలు తీసుకున్నట్లు స్పష్టం చేశారు.