మోదీ విదేశీ పర్యటనల ఖర్చు వివరాలు.. 2025లో రూ.180 కోట్లకు పైగా

ప్రధాని నరేంద్ర మోదీ విదేశీ పర్యటనలకు సంబంధించిన ఖర్చుల వివరాలను కేంద్ర ప్రభుత్వం వెల్లడించింది. 2021 నుంచి 2025 మధ్య కాలంలో విదేశీ పర్యటనల వార్షిక వ్యయం పెరిగినట్లు విదేశాంగ సహాయ మంత్రి పబిత్రా మార్గరీటా రాజ్యసభలో తెలిపారు. కేంద్రం వెల్లడించిన వివరాల ప్రకారం 2021లో రూ.36 కోట్లుగా ఉన్న వ్యయం 2022లో రూ.55 కోట్లకు చేరింది. 2023లో రూ.93 కోట్లు, 2024లో రూ.109 కోట్లు ఖర్చు అయినట్లు తెలిపారు. 2025లో ఇప్పటివరకు ప్రధాని విదేశీ పర్యటనలకు రూ.180 కోట్లకు పైగా వ్యయం అయినట్లు వెల్లడించారు. 2021 నుంచి ఇప్పటివరకు మొత్తం ఖర్చు రూ.550 కోట్లకు పైగా ఉందని తెలిపారు. ఐదు దేశాల పర్యటనలో భాగంగా గత మేలో జరిగిన నార్వే పర్యటన అత్యధిక ఖర్చుతో నిలిచిందని మంత్రి పేర్కొన్నారు. ఈ పర్యటనకు రూ.17.46 కోట్లు ఖర్చు అయినట్లు తెలిపారు. ఈ ఏడాది ఇప్పటివరకు రూ.74.58 కోట్లు ఖర్చు కాగా, జూన్‌లో జరిగిన ఫ్రాన్స్ పర్యటనకు సంబంధించిన బిల్లుల లెక్కింపు ఇంకా పూర్తికావాల్సి ఉందని వెల్లడించారు. గత మే నెలలో ఐదు దేశాల పర్యటనలో భాగంగా ప్రధాని చేపట్టిన నార్వే పర్యటన అత్యధిక ఖర్చుతో నిలిచినట్లు మంత్రి తెలిపారు. ఈ ఒక్క పర్యటన కోసం రూ.17.46 కోట్లు ఖర్చు అయినట్లు వెల్లడించారు. విదేశీ పర్యటనలు దేశాల మధ్య ద్వైపాక్షిక సంబంధాలను బలోపేతం చేయడం, పెట్టుబడులు, వాణిజ్యం, వ్యూహాత్మక అంశాలపై చర్చలకు ఉపయోగపడతాయని ప్రభుత్వం చెబుతోంది.